पुरंदरचे तहसीलदार कार्यालय बनले एजंटाचा अड्डा …

पुरंदर तहसिलदार कार्यालयात सुविधांची वानवा …

पुरंदरची शासकीय कार्यालय ही एजंटांचे अड्डे झाले आहेत. यामध्ये पुरंदर तहसिलदार कार्यालय आघाडीवर असुन या तहसीलदार कार्यालयास एजंटांचा विळखा पडला असून तहसिलदारांना सामान्य नागरिकांना भेटण्यापेक्षा जमिनी खरेदी विक्री करणारे एजंटांना भेटण्यातच अधिक रस असल्याचे दिसत आहे.सासवड तहसील कार्यालयात रोजच तहसिलदारांच्या  कार्यालया बाहेर तालुक्यातील सामान्य नागरिक ,महिला, जेष्ठ नागरिक तहसिलदारांच्या भेटीसाठी ताटकळत उभे असलेले दिसतात.आणि तहसीलदारांच्या एजंटांच्या सोबत बैठका सुरू असल्याचे अनेक नागरिकांनी अनुभवले आहे. एकंदरीत पुरंदर तहसीलचा कारभार सध्या जमीन खरेदी-विक्रीचे एजंट ,सामाजिक कार्यकर्ते ,विविध संघटनांकडुन केला जात आहे का ? असा संप्तत सवाल पुरंदरच्या सर्वसामान्य नागरिकांकडुन विचारला जात आहे. महसुलीचे पुरंदर तहसीलदार यांच्या अखत्यारीतील लोक अदालतीची प्रलंबित असणा-या प्रकरणांची संख्या वाढत चालली आहे .तहसीलदारांच्या कार्यालयात एजंटांचा चा वावर दिवसेंदिवस वाढत चालला असून प्रशासकीय अधिकाऱ्यांचे आणि सर्वसामान्यांचं संपर्कच होऊ  द्यायचा नाही असे या एजंटांनी ठरवले आहे. त्यामुळे किरकोळ कामासाठी सुद्धा कमिशन एजंट सर्वसामान्य नागरिकांची  आर्थिक पिळवणूक करत आहे .मात्र याकडे पुरंदरच्या तहसीलदारांचे जाणीवपूर्वक कानाडोळा करण्यामुळे सर्वसामान्य नागरिकांची आर्थिक लूट राजरोसपणे होत  आहे. याकडे प्रशासन मात्र दुर्लक्ष का करत आहे असा सवाल अनेक नागरिकांकडून वारंवार विचारला जात आहे.

पुरंदरच्या तहसिलदारांच्या कार्यालयाच्या प्रवेशद्वारावर तहसीलदार उपलब्ध असण्याची वेळ लिहिलेली नसून कोणत्याही शासकीय स्थापनेत संबंधित प्रशासकीय अधिकाऱ्याचा कार्यालयीन कामकाजाची वेळ व ते कोणत्या वेळेत उपस्थित राहतात हे  दर्शविणारे फलक लावणे बंधनकारक असताना पुरंदरच्या तहसीलदारांच्या प्रवेशद्वारावरती अशा प्रकारचे कोणतेही सूचना लिहिलेल्या नाहीत त्यामुळे सर्वसामान्य नागरिकांना नेमके तहसीलदार भेटणार कधी हेच समजत नाही. ग्रामीण भागातील नागरिक सकाळी ११ वाजल्यापासून संध्याकाळी सहा वाजेपर्यंत ताटकळत उभे असलेले अनेक वेळा दिसून येतात.चौकशी केल्यानंतर समजते की तहसीलदार तर पुण्यात मिटींगला गेले आहेत जर तहसीलदार पुण्यात मिटींगला गेलेले असतील तर सर्वसामान्य नागरिक तहसील कार्यालयात आल्यानंतर त्यांना तहसीलदार मीटिंग साठी गेलेले आहे हे देखील सांगितलं जात नाही , अनेक नागरिक दिवस दिवस ताटकळत उभे असलेले नागरिक अनेक वेळा तहसील कार्यालयात दिसतात. याकडे पुर्णपणे दुर्लक्ष आहे. गाड्या पार्किंग साठी पुरेशी जागा नाही सर्व स्वच्छतागृहे ही अस्वच्छ  असून महिलांसाठी तहसिलदार कार्यालय परीसरात  स्वच्छतागृहे नाहीत. सासवड शहरात तर पार्किंगचे तीन-तेरा झाले आहेत.

——————————

तहसील कार्यालयात मुलभूत सुविधांची वाणवा

तहसील कार्यालयात शौचालय, पिण्याचे पाणी, बैठक व्यवस्था या मूलभूत सुविधांची वाणवा आहे.पुरंदर तालुक्यातील ग्रामीण   भागातून महसुली कामकाजासाठी तहसील कार्यालयात येणाऱ्या नागरिकांना पिण्याचे पाणीदेखील  उपलब्ध नसून या ठिकाणी असलेला फिल्टर शोपीस बनला आहे. त्यात सात ते आठ वर्षापासून पुरंदर तहसील कार्यालयातील शौचालयाची अत्यंत दुरवस्था झालेली आहे .तहसील कार्यालयात काम करता येणाऱ्या नागरिकांसाठी बसण्यासाठी बाकडी देखील बसवलेले नाहीत.

————————-

याबाबतीत पुरंदरच्या तहसिलदार रूपाली सरनोबत यांच्याशी भ्रमणध्वनीद्वारे संपर्क केला असता त्यांच्याशी संपर्क होऊ शकला नाही

त्रिपुरा : सध्या सोशल मीडियावर हॉटेल व ढाब्यावर कुत्र्याचं मांस विकलं जात असल्याच्याचे मेसेजेस आपण वाचले असतील ब-याच वेळा ही अफवा आहे की सत्य याबाबत नेहमीच चर्चा होत असते. मात्र आज त्रिपुरा पोलिसांनी केलेल्या कारवाईमध्ये कुत्र्यांचे मांस विक्री करणा-या एका टोळीला रंगेहात पकडले आहे.
याबाबत सविस्तर माहीती पुढीलप्रमाणे त्रिपुरा-मिझोराम सीमेवर आज त्रिपुरा पोलिसांनी केलेल्या कारवाईमध्ये कुत्र्यांच्या मांसाचा व्यापार करणाऱ्या दोघांना १२ जिवंत कुत्र्यांसोबत ताब्यात घेतलं असुन
हे आरोपी आजुबाजुच्या परिसरातील १२ भटक्या कुत्र्यांना पकडून त्यांची विक्री करण्यासाठी मिझोराम येथे निघाले होते मात्र रस्त्यात आरोपींचे वाहन तपासणीसाठी थांबविले असता सदर धक्कादायक प्रकार समोर आला यानंतर पोलिसांनी वाहनातील दोन्ही आरोपींची चौकशी केल्यानंतर त्यांनी आपला गुन्हा काबुल केला असून मिझोराम येथे कुत्र्याच्या मांसाला मोठ्या प्रमाणात मागणी असल्याने एका कुत्र्याचे २००० ते २५०० मिळतात अशी माहिती दिली. सदर प्रकरणाबाबत चौकशी सुरु असून या प्रकरणी आणखीनही काही लोकांची नावं उघड होण्याची शक्यता पोलिसांनी व्यक्त केली आहे

केडगाव प्रतिनिधी :- केडगाव (ता.दौंड) येथे शिक्षिकेच्या गळ्यातील अडीच  तोळ्याचे गंठन हिसकावुन चोरटे फरार झाल्याची धक्कादायक घटना घडली याबाबत पोलिसांनी दिलेली माहिती पुढीलप्रमाणे केडगाव (ता.दौंड) येथील आशा अनिल बाप्ते  (वय 56 रा.सरदार नगर केडगाव स्टेशन) या जवाहरलाल विद्यालय येथे शिक्षीका आहेत.दि 29 डिसेंबर 2019 रोजी सकाळी 11•45 वा च्या सुमारास फिर्यादी आशा या घरामध्ये असलेला कचरा बाहेर टाकण्यासाठी गेल्या होत्या कचरा टाकुन घराकडे जात असताना दोन अनोळखी इसम मोटार सायकल वर बसून त्यांच्या समोर आले.
त्यांतील मोटार सायकल वर पाठिमागे बसलेला इसम मोटार सायकल वरून उतरून त्याच्या जवळ येऊन तुम्हांला पत्रिका द्यायची आहे.
आमच्यातील अणखी एक जन पलिकडील लाईनला पत्रिका वाटुन येत आहे.आम्हाला तुमच्या गळ्यातील सोन्याच्या दागिन्या सारखे दागिने करायचे आहे असे म्हणत त्याने अचानकपणे त्यांच्या गळ्यातील सोन्याचे गंठन जबरदस्तीने गळ्यातून हिसका मारत तोडले.
पळत जाऊन मोटार सायकल थांबलेल्या इसमाच्या पाठिमागे बसून दोघेही मोटार सायकल वरून पळून गेले.मोटरसायकल वर पुढे बसलेल्या चोरट्यांचे वर्णनं वय अंदाजे 34 ते 38 वर्षं असुन अंगाने जाड जुड,रंगाने काळा अंगात काळे रंगची जरकींन पँट असा त्याच्या पेहराव आहे.गंठन हिसकावुन नेलेल्या इसमाचे वय अंदाजे 30 ते 32 असुन तो रंगाने गोरापान अंगात टी शर्ट निळ्या रंगाची जीन्स पँट असा पेहराव या घटनेचा अधीक तपास पोलिस सहायक निरीक्षक धनंजय कापरे,पोलिस हवालदार जितेंद्र पानसरे हे करत आहे.

स्वच्छ सर्वेक्षण २०२० च्या अनुषंगाने सासवड नगरपरिषदेची हाऊसिंग सोसायट्यांमध्ये होम कंपोस्टींग व इन हाऊस कंपोस्टींगबाबतीत कार्यशाळा
सासवड प्रतिनिधी:- नगरपरिषदेने केंद्र शासनाच्या व महाराष्ट्र शासनाच्या सूचनेनुसार स्वच्छ सर्वेक्षण २०२० मध्ये सहभाग नोंदवला आहे. त्यानुसार सासवड नगर परिषदेने नगरपरिषद हद्दीतील सोसायटीमध्ये कंपोस्टिंग कंपोस्टिंग बाबत कार्यशाळा आयोजित करण्यात आली होती, सदर कार्यशाळांमध्ये सोसायटीमधील रहिवाशांना नगर परिषदेचे मुख्याधिकारी विनोद जळक यांनी कंपोस्टिंग कंपोस्टिंग बाबत माहिती दिली यावेळी सासवड नगरपालिकेचे नगराध्यक्ष मार्तंड भोंडे, उपनगराध्यक्ष निर्मला जगताप, नगरसेवक नगरसेविका व नागरिक उपस्थित होते. सदर कार्यशाळेमध्ये आपल्या परिसरातील व घरांमधील दैनंदिन निर्माण झालेला ओला कचरा आपल्या परिसरातच सोप्या प्रकारे प्रक्रिया करून त्यापासून उपयुक्त असे खत निर्माण होईल व त्याचा उपयोग सोसायटीमधील बगीच्यासाठी करण्यात येईल अशी माहिती मुख्याधिकारी विनोद जळक यांनी दिली.

सुपे येथे गाईड शिबिरात ग्रामस्वच्छता अभियान.
कन्या प्रशाला सासवडचे संस्कार गाईड शिबीर सुपे येथे संपन्न.

सासवड :-श्री स्वामी विवेकानंद शिक्षण संस्थेच्या स्व. कमलाबाई माणिकचंद मुथा कन्या प्रशाला सासवडच्या इयत्ता आठवी ते दहावीच्या गाईड विभागाचे संस्कार शिबीर सासवड जवळील सुपे (खुर्द) या ठिकाणी संपन्न झाले.
सुपे ग्रामपंचायत कार्यालयासमोर सरपंच दिलीप चव्हाण यांच्या हस्ते गाईडचे ध्वजारोहन झाले.प्रशालेच्या मुख्याध्यापिका उषा सुळगेकर यांनी प्रास्ताविकात सुपे गावचे सरपंच दिलीप चव्हाण,पोलीसपाटील कैलास जगताप,पालक शिक्षक संघाचे उपाध्यक्ष राजेंद्र जगताप,ग्रामपंचायत सदस्य कैलास जगताप,संजय समगीर,काळूरम जगताप यांचे स्वागत केले व प्रशालेच्या विविध उपक्रमांची माहिती दिली.
गाईड कॅप्टन मिनल जाधव यांनी शिबिराचा उद्देश व नियोजन सांगितले.स्काऊट मास्टर इस्माईल सय्यद यांनी स्वच्छतेचे महत्व ग्रामस्थांना व विद्यर्थिनिना पटवून दिले.या वेळी विद्यार्थिनिनी ‘प्लास्टिकचा वापर टाळा ‘ या विषयावर पथनाट्य व ‘ओला कचरा व सुका कचरा ‘ यावर नाटीका सादर केली .सुपे गावातून स्वच्छतचा संदेश देणारी प्रभात फेरी काढली व ग्राम स्वछता केली,यावेळी ग्रामपंचायतिचे सरपंच,ग्रामपंचायत सदस्य व मोठ्या संख्येने ग्रामस्थ सहभागी झाले होते.दुपारच्या सत्रात विद्यर्थिनिनी घोरवडी धरणाच्या पायथ्याशी उघड्यावर स्वतः स्वयंपाक केला,उत्कृष्ट स्वयंपाक करणारे प्रथम तीन संघाना पारितोषक देण्यात आले.संस्कृतीक कार्यक्रमाने शिबिराची सांगता झाली.
शिबिर यशस्वी करण्यासाठी मिनल जाधव, इस्माईल सय्यद ,नागसेन पोळके,हसीना मुल्ला,शैलजा बांदल,बालगोंडा पाटील,अनिल नलवडे,वैशाली जाधव,सुखदेव झेंडे यांनी सहकार्य केले.

सासवड नजीक पुणे पंढरपूर महामार्गावरील अपघातात क्रीडा प्रशिक्षक ठार
ओव्हरटेक करताना कारवरील नियंत्रण सुटल्याने झाला अपघात
सासवड शहरातुन जाणाऱ्या पुणे पंढरपूर राष्ट्रीय पालखी महामार्गावर कार आणि ट्रक च्या भीषण अपघात प्रसिद्ध क्रीडा प्रशिक्षक गजानन पाटील यांचे निधन झाले असल्याची दुर्दैवी घटना घडली आहे.याबाबतीत सासवड पोलीसांनी दिलेली माहिती पुढीलप्रमाणे प्रसिद्ध क्रिडा प्रक्षिशक गजानन पाटील हे त्यांच्या स्वीफ्ट कार(एमएच १२ एनजे ५७३०) स्वतः चालवित पुण्याहुन जेजुरीकडे जात असताना सासवड शहरातील धुमाळ पेट्रोल पंपासमोर ओव्हरटेक करताना दुसऱ्या बाजुने पुण्याकडे जाणाऱ्या मालवाहु ट्रक (एमएच १२ आर एन ३२१०)ला धडकल्याने गजानन पाटील हे फेकले गेल्याने कारच्या समोरच्या काचेवर आदळले यात त्यांच्या डोक्याला जबर मार लागल्याने अर्धवट बेशुद्धावस्थेत त्यांना सासवड येथील खाजगी रूग्णालयात नेण्यात आले मात्र त्यांची प्रकृती गंभीर असल्याने त्यांना पुढील उपचारांत करतात पुण्यातील ससून रुग्णालयात नेण्यात आले ससून रुग्णालयात दाखल केल्यानंतर उपचारादरम्यान त्यांचे निधन झाले.

पुरंदर तहसीलचा सावळा गोंधळ माहिती अधिकार कायद्यातील माहिती देण्यास टाळाटाळ
अर्ज एकाचा पोस्टाने पाठविले जातो तिस-याच व्यक्तीला
तहसीलदारांचा अधिकार नसतानाही अर्ज निकाली काढण्याचा सपाटा
पुरंदर तहसील कार्यालय हे सध्या तालुक्यातील नागरिकांसाठी चर्चेचा व डोकोदुखीचा विषय बनला आहे. प्रशासनातील भ्रष्टाचाराला आळा बसावा आणि सर्वसामान्य नागरिकांची प्रशासकीय अधिका-यांकडुन होणारी आर्थिक लुट थांबवणे यांसोबतच ‘सरकारी काम अन् बारा महिने थांब’ या म्हणी प्रमाणे सरकारी लालफितीच्या कारभाराची दफ्तरदिरंगाईला आळा बसवण्यासाठीच्या हेतुने महाराष्ट्र शासनाने २००५ साली माहिती अधिकार नियम म्हणजेच माहिती अधिकार कायदा अंमलात आणला मात्र तब्बल १४ वर्षे उलटूनही प्रशासकीय अधिकारी या काद्यातील पळवाटा शोधून माहिती अधिकारात मागवलेली माहिती देण्यास टाळाटाळ करीत असल्याचे बहुतांश वेळा अनुभवायला येते याची प्रचिती सध्या पुरंदर तहसील कार्यालयात देखील येत आहे.
पुरंदरच्या तहसीलदार रूपाली सरनौबत व नायब तहसीलदार उत्तम बढे यांनी माहिती अधिकार काद्यातील माहिती देण्या ऐवजी अर्जदारांचे अर्ज निकाली काढण्याचा सपाटा लावला आहे. माहिती अधिकार अर्जातुन मागवलेली एखादी माहिती संबंधित अस्थापनेकडे उपलब्ध नसेल तर त्या अर्जाचे उत्तर देताना नियमानुसार ती माहिती शक्यतो वरिष्ठ कार्यालयात अर्ज केला असल्यास वरिष्ठ कार्यालयाने ती माहिती कनिष्ठ कार्यालयाकडून मागून उपलब्ध करून देणे बंधनकारक असते. मात्र पुरंदर तहसीलदारांचा अजबच कारभारासाठी पुरंदर तहसील कार्यालयात चालू आहे, तहसील कार्यालयाशी निगडित असणारी माहिती मागविण्याकरिता केलेल्या अर्जाला उत्तर देताना सरसकट अर्ज निकाली काढण्याचा सपाटा चालू केला असून माहिती मागविण्याची तसदी देखील घेतली जात नाही. तहसील कार्यालयाला जर माहिती मागवणे शक्य नसेल तर ज्या कार्यालयाकडे ती माहिती उपलब्ध आहे, त्या कार्यालयाचा व संबंधित अधिकाऱ्यांचा उल्लेख करून संबंधित अर्जदारांना व्यवस्थित अर्जाचे उत्तर देणे बंधनकारक असताना सासवड तहसील कडून मुद्दाम माहिती लपवली जात आहे. व माहिती देण्यास टाळाटाळ केली जात आहे. अर्जामध्ये दोन पर्याय उपलब्ध असतात माहिती मागविण्याचे त्यामध्ये व्यक्तिशः व टपालाद्वारे असा देखील उल्लेख असतो बहुतांश वेळा अर्जदार व्यक्तीशः माहिती मागवतात मात्र तहसील कार्यालयाकडून जाणीवपूर्वक पोस्टाने टपालाद्वारे माहिती अर्जाचे उत्तर पाठविले जाते. असे उत्तर पाठवताना मुद्दाम दुसऱ्या व्यक्तीच्या नावाने पोस्ट केले जाते त्यामुळे संबंधित अर्जदाराला ती माहिती मिळत नाही. अर्ज केल्यानंतर ३० दिवसांच्या मुदतीत या अर्जाचे उत्तर देणे अधिकाऱ्यांना बंधनकारक असल्याने अधिकारी पंचवीस दिवस तो अर्ज तसाच ठेवत उत्तर देत नाही व मुदत संपायच्या दोन दिवस अगोदर दुसऱ्या व्यक्तीच्या नावाने पोस्ट केले जाते. ज्यावेळी अर्जदार व्यक्तिशः माहिती घेण्यास कार्यालयात येतो त्यावेळी त्यांना तुमच्या अर्जातील पत्त्यावर वरती माहिती पाठवली आहे असे सांगितले जाते. मुळात ज्यावेळी अर्जदाराकडुन व्यक्तिशः माहिती मागविली जाते त्यावेळी टपालाद्वारे माहिती देण्यामागचा हेतू काय? पुरंदर तहसीलदारांचा हा हेतुच अतिशय संशयास्पद असल्याचे अनेक माहिती अधिकार कार्यकर्त्यांनी वारंवार सांगितले आहे. एकंदरीत पुरंदर तालुक्यात माहिती अधिकार कार्यकर्त्यांची गळचेपी, मुस्कटदाबी करण्याचा प्रयत्न महसूल अधिकाऱ्यांकडून केला जात आहे. यामागे नेमकं अभय कोणाला दिले जात आहे? हे शोधणे गरजेचे आहे. यांना अभय नेमकं कोण देते? असाही सवाल माहिती अधिकार कार्यकर्त्यांकडून विचारला जात आहे. मुळातच सध्या पुरंदर तहसील कार्यालयाचा कारभार हा संशयाच्या घेऱ्यात आलेला आहे, यामुळे पुरंदर तहसील कार्यालयावरती वरिष्ठांनी लवकरात लवकर लक्ष देण्याची गरज निर्माण झाली आहे.
————————————————
शासकीय निधीचा अपव्यय का?
माहिती अधिकार कायद्यांतर्गत जर व्यक्तिशः अर्जदाराने माहिती मागितली असेल तर विनाकारण पोस्टाद्वारे त्या माहितीचे उत्तर देणे म्हणजे शासकीय निधीचा अपव्ययच आहे. अशाप्रकारे रजिस्टर चा खर्च का केला जातोय याचे उत्तर अधिकाऱ्यांकडून दिले जात नाही अशाप्रकारे सर्वसामान्य माणसाच्या करातून गेलेला शासकीय निधी अधिकाऱ्यांकडून त्याचा अपव्यय होणे हे कितपत योग्य आहे. याचाही विचार होणे गरजेचे आहे, अशा प्रकारे पोस्टाने रजिस्टर केलेला खर्च अधिकाऱ्यांकडून का वसूल केला जाऊ नये ?
——— – ——————————— ———-
“तोंडी चर्चा नको कागदाने बोला मला चर्चा करण्यास वेळ नाही”
उत्तम बढे
नायब तहसिलदार पुरंदर
———————————————

पुण्यातील तुळशीबागमध्ये असणाऱ्या मंदिरातील देवाचे दागिने व मंदिरातील पुजार्‍याचा मोबाईल चोरून फरार झालेल्या चोरट्याला सासवड पोलिसांनी धडक कारवाई करत वाघापूर (ता. पुरंदर) येथील संस्कृती मिसळ या हॉटेलमधून अटक केली असून ,आरोपीचे नाव शंकर सुखदेव कांबळे (वय २० वर्षे रा.पाडोळी ता.उस्मानाबाद) अआहे. याबाबत पोलिसांनी दिलेली माहिती पुढीलप्रमाणे पुण्यातील तुळशी बागेमध्ये असणाऱ्या राम मंदिरातील राम व लक्ष्मणांच्या पायातील चांदीचे ३०० ग्रॅम वजनाचे चाळ आणि मंदिराचे पुजारी संकेत मेंहदळे यांचा मोबाईल चोरी झाल्याचा प्रकार दिनांक १ मे रोजी सकाळी सातच्या सुमारास मंदिरातील पुजारी संकेत मेहेंदळे हे नेहमीप्रमाणे मंदिरात आल्यावर पूजा करण्यासाठी नळावर पाणी आणण्यासाठी गेले होते त्याच दरम्यान चोरी गेल्याचे त्यांच्या निदर्शनास आले त्यानंतर विश्रामबाग पोलिस ठाण्यात गुन्हा दाखल करण्यात आला होता. मंदिरातील सीसीटीवी मध्ये या चोराचा फोटो कैद झालेला होता. तो फोटो टीव्ही चँनेल आणि सोशल मिडियावर व्हायरल झाला होता. पुण्या शहरातील मध्यवर्ती आणि वर्दळीच्या ठिकाणी अशा प्रकारे देवाच्या गाभाऱ्यातील दागिने चोरीला गेल्यामुळे मोठी खळबळ उडाली होती तसेच मंदिरातील दागिन्यांची चोरी हा भाविकांच्या धार्मिक भावनांशी निगडित विषय असल्यामुळे प्रकरण गांभीर्य अधिक होते.
सासवड पोलिसांना मिळालेल्या गोपनीय माहिती तून पुरंदर तालुक्‍यातील वाघापूर येथील संस्कृती मिसळ या हॉटेलमध्ये सदर गुन्ह्यातील आरोपी आढळून आल्याची खबर मिळाली होती खबरी वरून सासवड पोलिसांनी धडक कारवाई करत याठिकाणी पोहोचून आरोपीला तात्काळ अटक केली याठिकाणी आरोपी शंकर कांबळे हा आज सकाळ पासुनच वेटरचे काम करत होता .सुरुवातीला आरोपीने आपण निरपराध असल्याचा कांगावा करून बनाव केला मात्र पोलिसी खाक्या दाखवल्यानंतर आरोपीने सदर गुन्ह्याची कबुली दिली असून आरोपी कडून मंदिरातील पुजारी यांचा मोबाईल जप्त करण्यात आला असून चोरी केलेले दागिने पुण्यातील बहिणीकडे ठेवले असल्याची आरोपीने कबुली दिली आहे सासवड पोलिसांनी विश्रामबाग पोलिसांशी संपर्क केला असून सदर आरोपी विश्रामबाग पोलिसांकडे सुपूर्द करणार असून गुन्ह्याचा पुढील तपास विश्रामबाग पोलिस करणार आहेत अशी माहिती सासवड पोलिस स्टेशनचे पोलीस निरीक्षक अण्णासाहेब घोलप यांनी दिली.
या धडक कारवाईत सासवड पोलिस स्टेशनचे बी.डी.आरडे,व्ही.एस.शेटे,एस.एम.चांदगुडे, एम.एम.खरात या पोलिस कर्मचाऱ्यांनी सासवड पोलिस स्टेशनचे पोलीस निरीक्षक अण्णासाहेब घोलप यांच्या मार्गदर्शनाखाली अतिशय महत्त्वपुर्ण कामगिरी केली.