….’सवाई सर्ज्याचं चांगभल’ च्या गजरात हजारो भाविकांच्या उपस्थीतीत फुलांची ऊधळण करत, 

श्रीनाथ म्हस्कोबा महाराजांच्या पालखीचे कोडीत वरून वीर कडे शाही प्रस्थान .

श्रीनाथ म्हस्कोबा महाराजांच्या  पालखीचे श्री क्षेत्र कोडीत येथील भक्त तुळाजीबुवा मंदिरापासून ठिक १२.३० वाजण्याच्या सुमारास श्रीक्षेञ वीर (ता.पुरंदर ) येथील विवाह सोहळ्या साठी शनिवार दि.८फेब्रुवारी रोजी शाही दिमाखात प्रस्थान झाले.

          श्री क्षेत्र कोडीत येथे मूर्तीना अभिषेक घालण्यात आला. ढोल ताशांच्या व पारंपारीक वाद्याच्या गजरात मानाच्या काठीसह छत्री ,अब्दागिरी ,चव-या ढाळत देउळवाड्यातून जवळ असणा-या श्रीनाथ म्हस्कोबा महाराजांचे परम भक्त असलेल्या तुळाजी मंदिरात पालखी विसावली. पालखी सह सर्व लवाजमा विसावल्यावर उपस्थीत श्रीनाथभक्तांनी ‘सवाई सर्ज्याच चांगभल ‘चा जयघोष केला यामुळे संपुर्ण कोडीतनगरी दुमदुमून गेली या नंतर वीर येथील १० दिवसाच्या यात्रे संबंधी नियोजनाची बैठक झाली. यावेळी कोडीत ग्रामस्थ सालकरी ,मानकरी श्री देवनाथ म्हस्कोबा महाराज ट्रस्टचे आजी माजी पदाधिकारी उपस्थीत होते. दरम्यान तुळाजीबुवा मंदिरात पारंपारीक ओव्यांचा व एकतारी भजनाचा कार्यक्रम संपन्न झाला.

        ८ दि.  रोजी पहाटे  ५ वाजता उत्सव मूर्तीना महारुद्र अभिषेक घालुन उत्सव मूर्ती पालखीत विराजमान करण्यात आली. त्या नंतर हजारो भाविकांनी उत्सव मूर्तींचे दर्शन घेतले.दर्शनासाठी मोठी रांग लागली होती.श्रीनाथ म्हस्कोबा महाराजांचे दर्शन घेऊन हजारो भाविक पायी अनवाणी वीर कडे पारंपारीक वाटेने चालत निघाले.

     दुपारी १२ वाजण्याच्या अगोदर सर्वांची लगबग सुरु झाली .पालखी जवळ मानकरी सालकरी अब्दागिरी छत्र निशाण घेऊन मानकरी उभे होते .ठीक १२.३०  वाजता तुतारी वाजली व मानक-यांनी श्रीनाथ म्हस्कोबा महाराजांच्या पालखीला खांदा लावला. ढोलताशांचा गजर ,पारंपारीक वाद्याचा गजर सालकरी ,मानकरी ,ग्रामस्थ व हजारो भाविकांच्या उपस्थितीत श्रीनाथांच्या पालखीचे वीर कडे शाही प्रस्थान सुरु झाले .या पालखी पुढे मानाची काठी पालखी समवेत दागदागीनदार अब्दागिरी चव-या ढाळत हजारो भाविकांच्या उपस्थीत अक्षता झेलीत धीम्यागतीने पालखीने मार्गक्रमण करण्यास सुरुवात केली. पालखी नदी पलीकडे गेल्यावर नागदरी या ठिकाणी पारंपारिक मेंढ्याचे रिंगण वाद्याच्या गजरात पार पडले.

        श्रीनाथ म्हस्कोबा महाराजांची पालखी भिवडी,सुपे, पिंपळे,पांगारे घाट मार्गे परिंचे गावारून पालखी राउतवाडी येथे विसावेल.सायंकाळी पालखी वीर येथे पोहचल्यानंतर सर्व मानकरी स्वागत करतात.राञी १२ वाजता श्रीनाथ म्हस्कोबा महाराज व माता जोगेश्वरी यांचा शाही विवाहसोहळा संपन्न होतो. आजपासून वीर येथील १० दिवसाच्या यात्रेला प्रारंभ झाला.

वाघीरे महाविद्यालयात “इमर्जिंग ट्रेंड्स इन लाईफ सायन्सेस” या विषयावर राष्ट्रीय परिषद संपन्न

सासवड प्रतिनिधी : सासवड येथील पुणे जिल्हा शिक्षण मंडळाच्या वाघीरे महाविद्यालयात सावित्रीबाई फुले पुणे विद्यापीठाच्या संयुक्त विद्यमाने “इमर्जिंग ट्रेंड्स इन लाईफ सायन्सेस” (“Emerging Trends in Life Sciences” ) (ETLS-2020) या विषयावर राष्ट्रीय परिषदेचे आयोजन करण्यात आले होते. या परिषदेचे उदघाटन दिल्ली येथील इंदिरा गांधी तंत्र शिक्षण विद्यापीठाचे अध्यक्ष प्रा. डॉ. आर. के. काळे यांच्या शुभहस्ते झाले. प्रमुख पाहुणे म्हणून सावित्रीबाई फुले पुणे विद्यापीठाच्या यशवंतराव चव्हाण राष्ट्रीय व आंतरराष्ट्रीय सुरक्षा आणि संरक्षण चिकित्सा केंद्राचे संचालक व सरंक्षणशास्त्र विभागाचे प्रा. विजय खरे हे उपस्थित होते. कार्यक्रमाचे प्रास्ताविक समन्वयक प्रा. एस. एम. दोरगे महाविद्यालयाच्या प्राचार्य डॉ. सुषमा भोसले यांनी केले. महाविद्यालयाच्या प्राचार्य डॉ. सुषमा भोसले यांनी स्वागत केले. पुणे जिल्हा शिक्षण मंडळाचे मानद सचिव व सावित्रीबाई फुले पुणे विद्यापीठाचे सिनेट सदस्य मा. अॅड. संदीप कदम यांनी दृकश्राव्य माध्यमातून परिषदेस शुभेच्छा दिल्या.

या प्रसंगी महाविद्यालयाच्या प्राचार्य डॉ. सुषमा भोसले, फार्मसी महाविद्यालयाचे प्राचार्य डॉ. राजश्री चव्हाण, उपप्राचार्य एस व्ही. ढगे, प्रा. कैलास मेमाणे, डॉ. सतीश बोंगाणे, समन्वयक प्रा. एस. एम. दोरगे, सह समन्वयक डॉ. स्वप्निल जगताप आदी मान्यवर उपस्थित होते.

विज्ञान आणि तंत्रज्ञानाने मानवी जीवन व्यापून टाकले आहे. विज्ञान क्षेत्रात सतत अनेक नवनवीन ज्ञानक्षेत्रांची सतत भर पडत असते. झपाट्याने पुढे आलेल्या असंख्य ज्ञानक्षेत्रांमुळे पुष्कळ ज्ञानक्षेत्रे परस्परव्यापी झाली आहेत. भिन्न विज्ञानशाखांदरम्यान संकल्पना व पद्धती यांची देवाण-घेवाण करून संशोधनाच्या विविध कक्षा रुंदावत आहेत. असे मत परिषदेच्या बीजभाषणात दिल्ली येथील इंदिरा गांधी तंत्र शिक्षण विद्यापीठाचे अध्यक्ष प्रा. डॉ. आर. के. काळे यांनी केले.

समुद्र आणि जमीन यावर सत्ता काबीज करून जगावर राज्य करू पाहणाऱ्या देशांमध्ये आज अवकाशात सत्ता प्राप्त करण्यासाठी स्पर्धा सुरू असून अंतराळ हे जगभरातील संशोधकांसाठी संशोधनाच्या नवनव्या संधी म्हणून समोर येत आहे. असे मत सावित्रीबाई फुले पुणे विद्यापीठाच्या सरंक्षणशास्त्र विभागाचे प्रा. विजय खरे यांनी व्यक्त केले.

या राष्ट्रीय परिषदेत इमर्जिंनिंग ट्रेंड्स इन लाईफ सायन्सेस” या विषयावर गुजरात येथील मारवाड विद्यापीठातील बायोकेमिस्ट्री विभागाचे डॉ. उज्वल त्रिवेदी, गोवा येथील राष्ट्रीय संशोधन केंद्राचे डॉ. बबन इंगोले, शास्त्रज्ञ डॉ. रोहित शर्मा, बेंगलोर येथील शास्त्रज्ञ डॉ. सिद्धनाथन, तामिळनाडू येथील भारतीनदशन विद्यापीठाचे विभागाचे प्रा. डॉ. एन. थाजुद्दिन आदी विषयतज्ञांनी मार्गदर्शन केले.

परिषदेचे उदघाटन कुंडीतील झाडाला पाणी घालून करण्यात आले. या परिषदेत संशोधकांनी शोधनिबंध तसेच पोस्टर सादरीकरण केले. या परिषदेत २१० अभ्यासकांनी सहभाग नोंदवला.

कार्यक्रमाचे सूत्रसंचालन प्रा. विशाखा गणवीर डॉ. बी. एस. मधभावीकर यांनी केले. डॉ. स्वप्निल जगताप यांनी आभार प्रदर्शन केले.

सासवड शहरातील मुख्य बसस्थानकाला अतिक्रमणांचा विळखा पडला असून यामुळे नव्यानेच नुतनीकरण केलेल्या बसस्थानकाला विद्रुपीकरणाचे ग्रहण लागले असल्याचे चित्र दिसून येत आहे. कोट्यावधी रुपये खर्चून सासवड बस स्थानकाचे नूतनीकरण केले आहे. मात्र या बसस्थानकाला बाहेरच्या बाजूने पुणे पंढरपूर राष्ट्रीय पालखी महामार्गावर मोठ्या प्रमाणात उभ्या केलेल्या टपर्‍या ,हातगाड्या यामुळे सासवड बसस्थानकाचे अतिशय विद्रूप असं चित्र निर्माण झाले असून यामुळे बसस्थानकातील बसगाड्यांना महामार्गावरून बस डेपोत ये-जा करतेवेळी मोठी अडचण होत असून या ठिकाणच्या अनधिकृत अतिक्रमणांमुळे वाहतूक कोंडी ही मोठ्या प्रमाणात होत आहे. अगोदरच या पालखी महामार्गावरील वाहतूक कोंडीमुळे सासवड करांसह संपूर्ण पुरंदर करवासिय हैराण झाले असताना याकडे सासवड पोलिस प्रशासन ,सासवड नगरपालिका व सासवड बसस्थानकाच्या आगारप्रमुख यांचे ही मोठ्या प्रमाणात दुर्लक्ष होत असून राष्ट्रीय महामार्ग प्राधिकरणकडे हा महामार्ग वर्ग झालेला असला तरी या महामार्गावरील अतिक्रमणांमुळे वाहतूक कोंडी होऊन वाहतुकीस अडथळा निर्माण होत असल्यामुळे सासवड नगरपालिकेने व पोलिस प्रशासनाने त्वरित या अतिक्रमणांवर ती कारवाई करावी अशी मागणी नागरिकांमधून जोर धरू लागली आहे .आगार प्रमुखांनी ही अतिक्रमणे हटवण्यासाठी पोलिस प्रशासन व सासवड नगरपालिकेकडे पाठपुरावा का केला नाही याचे उत्तर आगार प्रमुखांकडे आहे का?
बसस्थानकासमोरील अवैधरित्या उभ्या केलेल्या टप-यांमधून बंदी असलेले गुटखा, मावा यासोबतच तंबाखूजन्य पदार्थांची राजरोसपणे विक्री केली जात आहे. हे पदार्थ राजरोसपणे विक्री होत असुनही अन्न व औषध प्रशासन मुगगिळुन गप्प का आहे?